स्वेरीमध्ये येत्या शनिवारी अटल कम्युनिटी इनोव्हेशन सेंटर-स्वेरीचे भव्य उदघाटन..!
पंढरपूर - गोपाळपूर (ता.पंढरपूर) येथील श्री विठ्ठल एज्युकेशन अँड रिसर्च इन्स्टिट्यूट मध्ये येत्या शनिवार, दि. ०२ मे २०२६ रोजी सकाळी ०९.३० वाजता विख्यात अणुशास्त्रज्ञ तथा भारतीय अणुऊर्जा आयोगाचे माजी अध्यक्ष पद्मभूषण डॉ. अनिल काकोडकर यांच्या हस्ते अटल कम्युनिटी इनोव्हेशन सेंटर-स्वेरी (ए.सी.आय.सी.-स्वेरी) चे उदघाटन होणार असून या कार्यक्रमाच्या अध्यक्षस्थानी पंढरपूर-मंगळवेढा विधानसभेचे आ.समाधान आवताडे राहणार असून प्रमुख पाहुणे म्हणून माढा विधानसभा मतदार संघाचे आमदार अभिजीत पाटील, विधानपरिषदेचे माजी सदस्य प्रशांत परिचारक, मोहोळ विधानसभा मतदार संघाचे आमदार राजू खरे आणि सांगोला विधानसभा मतदारसंघाचे आमदार डॉ. बाबासाहेब देशमुख हे प्रमुख पाहुणे म्हणून उपस्थित राहणार आहेत. या कार्यक्रमासाठी सोलापूर जिल्ह्याचे जिल्हाधिकारी कार्तिकेयन एस., जिल्हा पोलीस अधीक्षक (ग्रामीण) अतुल कुलकर्णी, सोलापूर जिल्हा परिषदेचे मुख्य कार्यकारी अधिकारी कुशल जैन, पंढरपूर विभागाचे पोलीस उपअधीक्षक प्रशांत डगळे, पंढरपूरचे उपविभागीय अधिकारी सचिन इथापे, पंढरपूरचे तहसीलदार ...
